O CAMIÑO VIRTUAL DE GOOGLE POLA AUTOESTRADA NON É O ÚNICO FIASCO
A web do Xacobeo tira a Vilaboa do mapa do Camiño Portugués
nfobloque-vilaboa.com, 25/11/09. Vilaboa non existe para a Sociedade de Xestión do Xacobeo según se pode observar na súa web oficial. No mapa no que figuran de cor verde os concellos polos que pasa o Camiño Portugués, non figura o noso concello. O portal informativo que non destaca precisamente nin pola cantidade nin pola calidade da información que ofrece aos visitantes, tampouco nomea nin de pasada o nome de Vilaboa.
Este é un fiasco máis dentro da promoción cultural e turística do novo goberno galego, despois de que publicitaran como algo extraordinario, o nunca visto, a recreación virtual do Camiño Francés a través da aplicación de GoogleMaps, cando en realidade o que fotografiou foron as autovías e estradas que hai ás beiras do camiño.
Tomás Boullosa, concelleiro delegado de Cultura e Deportes do grupo municial do BNG, presentará este mércores ao Pleno Municipal unha pregunta oral dirixida ao goberno municipal para coñecer se este ten costancia deste feito e requerindo que se xestione ante a Sociedade de Xestión do Xacobeo a inclusión de Vilaboa no mapa.
 comenta esta noticia
    
|
|
Recebe no teu correo-e as novidades da Web
Tamén podes receber gratuitamente as novidades no teu móbil enviando unha mensaxe coa palabra ALTA ao 650784558. (coste da mensaxe, según tarefas operadores). Para darte de baixa no servizo envía unha mensaxe coa palabra BAIXA.
Privacidade: O tratamento dos datos persoais está axustado á normativa establecida na Lei Orgánica 15/1999, de 13 de decembro, de Protección de Datos de Carácter Persoal (BOE 14/12/1999), e normativa de desenvolvemento. |
 AXENDA |
Web oficial do Xacobeo 2010
 NOTICIAS RELACIONADAS
|
