UNHA MOCIÓN INSTARÁ AO CONCELLO A INVITAR A COLEXIOS E GRUPOS INTERESADOS
O BNG pide que o Concello promocione as Salinas de Ulló como lugar de interese medioambiental
 O BNG pide a creación dun centro de atención aos visitantes nas Salinas (18/04/09)
infobloque-vilaboa.com, 13/10/09. O BNG de Vilaboa a través da súa voceira Ornela Fdez. Salgado solicitará ao goberno municipal a través dunha moción, a promoción das Salinas de Ulló como lugar de interese intermareal, unha vez que coa chegada do outono, empeza a inmigración de aves mariñas procedentes doutros puntos de Europa.
A moción argumenta que este enclave recentemente mellorado nunha primeira fase polo Ministerio de Medio Ambiente ofrece unhas inmellorables cualidades para a observación das aves mariñas, polo que demanda que se faga o esforzo necesario para a súa promoción e organización de xornadas de visitas, especialmente entre os centros de ensino e a aquelas asociacións vinculadas coa natureza.
Con isto continuaría a posta en valor do espazo natural máis importante do noso concello. Coa súa situación actual non podemos considerar que a restauración e posta en valor estea rematada e queremos que a súa mellora continue, polo que o BNG xa instou ao Ministerio de Medio Ambiente que proxecte unha segunda fase na recuperación medioambiental.
 comentarios recibidos (1)
1. Enviado por: Uno, 2009-10-15 00:03:56 PDT
En Larache tamen temos unhas maravillosas vistas para poder observar a inmigracion das aves,pero Larache nom interesa
|
comenta esta noticia
    
|
