AS PARROQUIAS DE COBRES, AS DE MAIOR CRECEMENTO URBANÍSTICO, AS MÁIS PERXUDICADAS
O PXOM de Vilaboa deixa ducias de vivendas fóra de ordenación
Ornela Fernández Salgado propugna o recoñecemento dos núcleos actuais.
infobloque-vilaboa.com, 25/02/09. Ducias de vivendas con licenza urbanística concedidas ao amparo do planeamento urbanístico de 1988, en vigor, quedarán fora de ordenación co novo Planeamento Urbanístico deseñado polo PSOE ao aumentar a parcela mínima para edificar de 300 a 600 metros cadrados. De sair adiante este planeamento nestas vivendas só se poderán realizar obras de conservación e mantemento, imposibilitando obras maiores como reformas e ampliacións.
O goberno socialista de Vilaboa, que tomou como referencia para a delimitación dos núcleos o voo americano realizado nos anos cincuenta, pretende eliminar o urbanismo que se consolidou nos últimos cincuenta anos. Para o BNG o criterio debe partir do recoñecemento dos núcleos actuais tal e como están conformados neste momento. "Pódese mellorar o urbanismo de Vilaboa, pero partindo do momento actual, non dun pasado que xa queda moi afastado", dixo Fernández Salgado.
Por outra banda, o BNG tamén considera negativo que non se contemple o núcleo urbano de Riomaior tal como se propuxera por parte da nosa forza política, porque pensamos que son viábeis as actividades comerciais nese núcleo en resposta a demanda social existente. De feito no documento detéctase a consolidación urbana de Riomaior, pero non se lle dá resposta, deixándoo tal e como está na actualidade. "Riomaior debe ser o núcleo terciario das parroquias de Cobres xerando espazos públicos para equipamentos como o novo consultorio médico, tan demandado polos veciños e veciñas, e iso non está no PXOM", dixo Fernández Salgado.
A voceira nacionalista considera frustante a proposta do Psoe de Vilaboa por inmobilista e perxudicial para os intereses dos veciños e veciñas do noso concello.
 comentarios recibidos (5)
5. Enviado por: Anónimo, 2009-03-06 10:52:46 PST
Teño unha parcela e quedame dentro do solo urbanizable delimitado. Esta marcado cunha R ¿que significa? ¿cantos metros necesito pra construir unha casa nesa parcela? Grazas
|
4. Enviado por:Tomás Boullosa, 2009-02-27 14:49:30 PST
Sei que sempre se pode facer máis, daquela volveremos a presentar para o seu debate no vindeiro pleno a mesma moción que presentei o verano pasado e que pode ver nesta mesma páxina co titulo "Moción sobre as pistas de Bértola e Figueirido",non nos meta a todos no mesmo saco. |
3. Enviado por: salseiros, 2009-02-27 04:45:51 PST
Simplemente quero deixar constancia dun tema que non ten que ver co tratado no artigo:
Vergoña lle deberia dar a corporación de Vilaboa protestar pola reforma da nacional que pasa por Vilaboa, e mostrar a súa indiganción polo fatidico atropelo acontecido hai escasos dias, e permitir que en certos tramos da provincial por bértola e Figueirido non deixen literalmente nin 1 cm para o pasoi dos veciños...a solución do concello e de Louzan debe ser que os veciños se metan nas presas de auga con botas de goma para poder pasar...porque outra posibilidade e imposible...Vergoñento, non hai mais que decir que iso.
Moitas Grazas.Un saudo. |
2. Enviado por: nos ingual, 2009-02-26 06:23:50 PST
Se a casa nos queda ilegal faremos o mesmo que o conselleiro socialista pachi Vazques, facer obras de reforma sin licencia. non hay problema |
1. Enviado por: David, 2009-02-25 17:42:18 PST
Ola.
En Postemirón quedamos coma estabamos, seguimos case sen poder facer nada, non deixan medrar o pobo.
Hai como mínimo 8 parellas de mozos que teñen que buscar a vivenda fora do seu pobo natal.
Os Políticos tedes a responsabilidade de cambiar isto para que poidamos facer una casa na nosa terra.
Chao
Www.postemiron.es |
comenta esta noticia
    
|
|
Recebe no teu correo-e as novidades da Web
Tamén podes receber gratuitamente as novidades no teu móbil enviando unha mensaxe coa palabra ALTA ao 650784558. (coste da mensaxe, según tarefas operadores). Para darte de baixa no servizo envía unha mensaxe coa palabra BAIXA.
Privacidade: O tratamento dos datos persoais está axustado á normativa establecida na Lei Orgánica 15/1999, de 13 de decembro, de Protección de Datos de Carácter Persoal (BOE 14/12/1999), e normativa de desenvolvemento. |
 AXENDA |
 AVANCE PXOM VILABOA
 NOTICIAS RELACIONADAS
|
