Participación do Concello de Vilaboa nos servizos comarcais de Bombeiros, Parque de Maquinaria, Transporte, Depuración de Augas Residuais, Turismo e Desenvolvemento Local, polo seu marcado carácter supramunicipal.
Inclusión de Vilaboa nas redes comarcais de abastecemento de auga, como cuestión estratéxica para o progreso urbano e económico do municipio.
Dotación a Postemirón de novos depósitos e do caudal de auga necesario para as necesidades do barrio, derivándoa das captacións do Cuartel de Figueirido.
Priorizar a restauración das fontes tradicionais das parroquias, controlando a súa potabilidade.
Xestionar a clasificación de transporte urbano para o servizo de autobuses con Pontevedra e mellorar as comunicacións deste transporte con Vigo.
Ampliación da rede de alumeado público e posta en marcha dun programa real de aforro enerxético.
Instalación de paneis solares termicos ou fotovoltaicos nos edificios municipais.
Renovación de marquesinas do transporte escolar e público.
Racionalización dos parques infantís e substitución dos xogos non adaptados á normativa.
Creación de varios equipos operativos de operarios municipais que realicen o mantemento dos edificios e equipamentos municipais e do sistema viario e parques públicos.
Potenciación do servizo de Protección Civil cos medios materiais necesarios e un sistema de compensación polos servizos prestados.
