Desenvolvemento dos parques empresariais deseñados no Plan Xeral de Ordenación Municipal.
Posta en funcionamento de Obradoiros de Emprego, destinado a maiores de 25 anos con dificultades de inserción profesional.
Xestionar a contratación de desempregados a través de convenios do INEM coas corporacións locais e os programas operativos do Fondo Social Europeo (FSE).
Aumentar as bonificacións no Imposto de Bens Inmobles para vivendas protexidas e locais adquiridos polos emprendedores.
Asesoramento e colaboración coas iniciativas creadoras de emprego no noso concello.
Promoción do viñedo e outros cultivos rendibles a través da xestión das axudas europeas. Introdución de Vilaboa na denominación “Viños da Terra” como paso previo á entrada na Denominación de Orixe “Rías Baixas”. Apoiar a instalación de adegas propias no noso concello. Potenciación e promoción dos nosos tintos.
Colaboración do Concello para a distribución dos nosos produtos do campo.
Creación da feira de San Martiño para a promoción da nosa produción agrícola.
