AS PLUVIAIS BAIXAN POLA CALZADA POR ESTAR ATUÍDAS AS CUNETAS
Salgado demanda que se mellore a pista de Outeiro-Casanova en Vilaboa

infobloque-vilaboa.com, 25/04/09. A voceira do BNG de Vilaboa, Ornela Fdez. Salgado ven de rexistrar unha moción para o seu debate no vindeiro pleno ordinario, na que se demanda a mellora do vial que baixa dende o lugar de Outeiro-Casanova a Outeiro do Gato na parroquia de Vilaboa. Os veciños láianse do mal estado da pista xa que ten as cunetas atuídas pola maleza e o escombro, o que obriga a que as pluviais descendan pola calzada os dias de choiva, contribuindo ao deterioro constante do firme ademáis do gran inconvinte para os que transitan por ela.

Na moción, Salgado solicita ao goberno municipal un adecentamento do vial así como a recuperación das cunetas. Este vial é un exemplo máis do calamitoso estado de moito dos viais municipais do noso concello. "O goberno municipal, ante a catastrófica situación de este e outros viais, debe acometer un programa de actuación a medio plazo no que, primeiro se prioricen os viais que necesitan unha urxente reparación xa que en moitos casos son casi intrasitables, e segundo que o goberno municipal sexa riguroso con todas aquelas actuacións que se levan a cabo neles, como obras de acometidas de saneamento, abastecemento de auga, realización de muros, etc que implican un deterioro dos viais e que ao finalizar as obras non se arranxan como é debido e que provoca un enorme deterioro dos viais, en algúns casos recén asfaltados" afirmou Salgado.

comenta esta noticia

Moción presentada

NOTICIAS RELACIONADAS

• Poceiro admite deficiencias nas obras de asfaltado da pista de Sobreira (05/01/09)
• O BNG denuncia a pasividade do goberno socialista ante a desfeita que se está producindo nos viais do concello (23/10/08)
• Ornela F. Salgado instará ao Concello esixirlle ás comunidades de auga que realizaron canalizacións a inmediata reposición do firma dos viais afectados (16/09/08)
• Ducias de veciños asinaron xa para demandar un arranxo urxente da estrada de Sobreira (03/08/08)
• O BNG presenta na Deputación unha moción para que asuma a competencia da estrada ao lago de Castiñeiras (19/07/08)
• O pleno de Vilaboa aproba mocións do BNG para demandar a Deputación a mellora dos viais de Bértola e Figueirido (28/06/08)