O PESIMISMO E A DESIDIA PARALIZA AO GOBERNO MUNICIPAL SOCIALISTA
O goberno municipal non considera rentable promocionar Vilaboa
>> Tamén dudan do éxito de incluir as parroquias de Cobres na liña do Noitebús
infobloque-vilaboa.com, 30/10/09. "Unha acción de goberno refén do pesimismo e a desidia", así calificou hoxe a voceira nacionalista a diagnose actual da xestión municipal por parte do PSOE. Esta é a conclusión a que chegou Salgado tralo pleno celebrado na noite do pasado mércores e no que saíron adiante por unanimidade dúas mocións presentadas polo BNG, unha pedindo que o executivo municipal faga unha promoción axeitada para por en valor o entorno das Salinas de Ulló e por outra banda demandar que o Noitebús chegue as parroquias de Cobres.
PROMOCIÓN DAS SALINAS DE ULLÓ
A moción demandaba que o concello promocionara o entorno recén mellorado das Salinas de Ulló, fóra do noso Concello, especialmente entre centros de ensino e asociacións relacionadas co ecoloxismo e a natureza. Para César Poza, concelleiro socialista, a promoción deste enclave privilexiado, único no noso entorno, non parece ser unha prioridade debido a pouca disponibilidade financieira, pero tamén a desidia do goberno municipal para xestionar fondos con outras administracións. Alegou que a promoción que levan feita do entorno ata o momento non deu os resultados agardados. Tomás Boullosa, concelleiro do BNG, recriminou ao goberno socialista que poñan máis imaxinación na xestión e que aproveiten ao 100% tódolos recursos dos que dispón o concello.
NOITEBÚS
O PSOE volveu a mostrar a mesma actitude no debate da moción do BNG para demandar que a liña do NoiteBús que cubre Arcade-Pontevedra se achegue as parroquias de Cobres e Vilaboa para recoller aos mozos e mozas que saen as noites do fín de semana por Pontevedra. A pesar de que o grupo municipal socialista se mostrou a favor da iniciativa, dubidou do éxito que poidera ter entre a mocidade de Vilaboa e recoñeceu que desde que está en marcha este servizo non fixo nengunha xestión para espallalo a toda Vilaboa. Salgado recordoulle ao goberno, que o éxito da iniciativa depende da súa promoción entre os maís novos, traballo que debe desenrolar a concellería de xuventude e que polo de agora non fixo, xa que a liña actual que ten parada en Paredes, Bértola e Figueirido segue sendo unha gran descoñecida para a inmensa maioría dos nosos mozos. Boullosa espetoulle ao goberno que si este servizo é quen de salvar unha soa vida entre os nosos mozos e mozas, toda a xestión e esforzo non será en balde.
PESIMISMO E DESIDIA
A postura socialista no debate destas dúas mocións deixa ben as claras o agotamento na xestión por parte do goberno muncipal. Salgado recordou hoxe que "os cartos son importantes para facer unha boa xestión, pero o principal, é ter intelixencia e ilusión, xa que inciativas coma estas non requiren un grande esforzo económico, pero si grandes doses de iniciativa e ilusión, algo que o PSOE deixou atrás hai ben tempo". Considera un grave erro que a promoción exterior do noso concello se mida en termos de gasto corrente. "O investimento en promoción ou publicidade do noso concello hai que velo como unha inversión a curto ou a medio prazo e non como un gasto, e senón que llo pregunten a Coca-Cola ou o El Corte Inglés" sentenciou Salgado.
 comenta esta noticia
    
|
|
Recebe no teu correo-e as novidades da Web
Tamén podes receber gratuitamente as novidades no teu móbil enviando unha mensaxe coa palabra ALTA ao 650784558. (coste da mensaxe, según tarefas operadores). Para darte de baixa no servizo envía unha mensaxe coa palabra BAIXA.
Privacidade: O tratamento dos datos persoais está axustado á normativa establecida na Lei Orgánica 15/1999, de 13 de decembro, de Protección de Datos de Carácter Persoal (BOE 14/12/1999), e normativa de desenvolvemento. |
 AXENDA |
 NOTICIAS RELACIONADAS
|
