 |
TOMÁS BOULLOSA MOURE
Concelleiro do BNG en Vilaboa
|
|
30-01-2011
" Grazas e ánimo!"
Estamos preparados e listos para dirixir e gobernar este concello dun xeito responsable, eficiente e cun guieiro claro, que non é outro do que daremos a coñecer no noso programa electoral e na chea de actos e reunións que faremos coa sociedade de Vilaboa ata o 22 de Maio .
Nunha Casa de Montes de Sta Cristina ateigada de xente e onde se respiraba as gañas de cambio existente no concello, demos a coñecer unha candidatura aberta e plural que representa non só ao BNG, senón a todos aqueles que estamos dispostos a traballar por una Vilaboa mellor.
Haberá tempo dabondo para explicarmos o noso programa, porque hoxe o que me pide o corpo e felicitarme da organización a que pertenzo e agradecer o apoio recibido neste acto.
Queda máis que demostrado que os que imos na lista non somos máis que os representantes públicos dos máis dun milleiro de votantes que confían en nós e dos centos de militantes e simpatizantes que somos en Vilaboa.
A esperanza dun tempo novo chega a Vilaboa e temos que traballar arreo ata o 22 de maio, todos os militantes e simpatizantes. Ninguén dixo que vai ser doado , as persoas que imos na lista presentámonos hoxe co noso compromiso e disposición para facer este traballo, pero precisamos do voso apoio para materializar o cambio que lle convén a Vilaboa.
Se lle tendes algo de amor e aprecio a nosa terra, non dubides en apoiar este proxecto, que vai máis alá do nacionalismo, e que leva por bandeira o benestar das persoas de Vilaboa. E para que o sentido común, o respeto institucional, a xestión ben feita, a recuperación dunhas relacións normais con outras administracións e veciños, cheguen da man da nova alcadesa Ornela Fdez Salgado, sodes imprescindibles, por iso quero darvos ánimo e as grazas polo voso apoio.
 comenta este artigo
|
|
 |
| |
Recebe no teu correo-e as novidades da Web
Tamén podes receber gratuitamente as novidades no teu móbil enviando unha mensaxe coa palabra ALTA ao 650784558. (coste da mensaxe, según tarefas operadores). Para darte de baixa no servizo envía unha mensaxe coa palabra BAIXA.
Privacidade: O tratamento dos datos persoais está axustado á normativa establecida na Lei Orgánica 15/1999, de 13 de decembro, de Protección de Datos de Carácter Persoal (BOE 14/12/1999), e normativa de desenvolvemento. |
|
|
 |
ARTIGOS ANTERIORES
|
