Edita: Consello Local BNG de Vilaboa
 
OPINIÓN E COLABORACIÓNS
Voceiro Dixital do Bloque Nacionalista Galego de Vilaboa

XABIER MÍGUEZ SANTOS

Concelleiro do BNG en Vilaboa

Alcalde entre os anos 1999 e 2003

  

30-11-2009

1956

Permitídeme que parafrasee no título deste artigo a George Orwell, que debeu ser dos primeiros en falar do pensamento único nunha novela. Porque estamos a sufrir un grande ataque dos ben pensantes que vai ter serias repercusións na vida dos veciños e veciñas de Vilaboa.

Aínda non sabedes, meus prezados lectores, o importante que vai ser 1956 para o futuro do urbanismo no noso concello. Resulta que neste ano e no seguinte os americanos fotografaron todo o territorio español e os encargados de regulamentar a construción en Galicia chegaron a unha verdade única e universal: o voo americano é o punto cero sobre o que se van determinar os núcleos en Vilaboa, a pedra sobre o que se edificará o futuro do noso territorio, o libro no que se distinguirá entre a verdade e a mentira.

Admite o PSOE, co alcalde á cabeza, estas premisas e remite un documento á Xunta no que a definición dos barrios e lugares remítese ao ano do milagre. Aplica o PP desde a Xunta a nova verdade revelada: todo o que se contruíu despois deste ano é espúreo, indigno, bastardo. Polo tanto, ducias de vivendas van ser clasificadas como fóra de ordenación e, en consecuencia, condeadas á extincion.

Vannos ter en fronte aos do BNG. Non estamos dispostos a renunciar ao que somos e ao que fomos. Con toda a nosa forza imos loitar para que se non se adopte este criterio. Os núcleos deben partir do perímetro que constitúen as vivendas construídas no momento en que se redacta o documento do PXOM. Pretender remitirse cincuenta anos atrás para distinguir entre o bo e o malo, só pode ocorrérselle a quen se avergonza do que fomos durante todos estes anos, nos que, por certo, meus amigos e amigas, o país fixo un durísimo esforzo de modernización e progreso.

comentarios (1)
 

1. Enviado por: Antonio, 2010-01-02 16:36:56 PST

Digo eu que a lei do solo fala de nucleos tradicionais, e sinala como referencia a data de mediados do século XX, é o que dita lei chama solo de nucleo rural tradicional, polo tanto ¿porque confundes a xente mexclando o alcalde co que a lei da xunta de Cuiña que Frijolito asumiu?, a tanto chega a tua demagóxica e rencorosa prosa!!!
Por certo, outra pregunta,¿canto deste Pxom asumes como teu?

Que opinas deste artigo?

Nome
Correo-e
Comentario

Debes cumprimetar tódolos campos. O correo electónico non se mostrará. O BNG de Vilaboa non se fai responsable do contido dos comentarios. Non se publicarán os comentarios ofensivos ou que sexan sospeitosos de non respetar a legalidade vixente.

 

Recebe no teu correo-e as novidades da Web

correo-e

Tamén podes receber gratuitamente as novidades no teu móbil enviando unha mensaxe coa palabra ALTA ao 650784558. (coste da mensaxe, según tarefas operadores). Para darte de baixa no servizo envía unha mensaxe coa palabra BAIXA.

Privacidade: O tratamento dos datos persoais está axustado á normativa establecida na Lei Orgánica 15/1999, de 13 de decembro, de Protección de Datos de Carácter Persoal (BOE 14/12/1999), e normativa de desenvolvemento.
AXENDA

 

ARTIGOS ANTERIORES

 
Inicio | Nós| Escríbenos| © BNG Vilaboa 2007-2009. Autorízase a reproducción dos artigos (excepto os de opinión) sempre que se cite a fonte.