Edita: Consello Local BNG de Vilaboa
OPINIÓN E COLABORACIÓNS
Voceiro Dixital do Bloque Nacionalista Galego de Vilaboa

XABIER MÍGUEZ SANTOS

Concelleiro do BNG en Vilaboa

Alcalde entre os anos 1999 e 2003

  

14-02-2009

Goberne, home goberne.

Seica o noso alcalde vai tirar do caixón o proxecto de Plan Xeral de Ordenación Municipal. Convocou ao BNG a unha xuntanza para anunciar a boa nova. Díxonos que os tempos son chegados do novo urbanismo para Vilaboa. Ímolo ver.

O BNG fixo as súas propostas para seren recollidas hai un ano e un mes e agora contestan que non pode ser. Propoñiamos a ampliación de núcleos, varios solos urbanos e o desenvolvemento de solo industrial.

Vilaboa é un caso insólito no mundo municipal galego. Creo que debe ser o único concello no que o equipo de goberno andou a ensinar un documento e dixo que eles non o fixeran e, polo tanto, non asumían a súa defensa. Isto veuvos sendo alá polo ano 2004 e nunca máis se soubo.

A planificación a longo prazo, e o PXOM éo, é unha potestade indelegable da dirección. Imaxinaivos unha dirección de calquera institución que renunciara á planificación a varios anos vista: renunciaría a definir por onde vai ir a institución no futuro, próximo e afastado. Máis ou menos, fálase de que un Plan de Urbanismo ten unha vixencia de dez anos e a partir de aí hai que facer outro.

O BNG dixo isto na xuntanza. Pediulle ao equipo de goberno que fixese pública a súa proposta e que asumise a súa defensa. Nós fariamos pública a nosa e contrastariamos pareceres publicamente tamén. Pero o que non podemos permitir os veciños e veciñas de Vilaboa é que a dirección do concello de Vilaboa siga obxectando das facultades que ten.

comenta esta noticia

Nome
Correo-e
Comentario

Debes cumprimetar tódolos campos. O correo electónico non se mostrará. O BNG de Vilaboa non se fai responsable do contido dos comentarios. Non se publicarán os comentarios ofensivos ou que sexan sospeitosos de non respetar a legalidade vixente.

 

Recebe no teu correo-e as novidades da Web

correo-e

Tamén podes receber gratuitamente as novidades no teu móbil enviando unha mensaxe coa palabra ALTA ao 650784558. (coste da mensaxe, según tarefas operadores). Para darte de baixa no servizo envía unha mensaxe coa palabra BAIXA.

Privacidade: O tratamento dos datos persoais está axustado á normativa establecida na Lei Orgánica 15/1999, de 13 de decembro, de Protección de Datos de Carácter Persoal (BOE 14/12/1999), e normativa de desenvolvemento.
AXENDA

 

ARTIGOS ANTERIORES

 
Inicio | Nós| Escríbenos| © BNG Vilaboa 2007-2009. Autorízase a reproducción dos artigos (excepto os de opinión) sempre que se cite a fonte.