Edita: Consello Local BNG de Vilaboa
 
OPINIÓN E COLABORACIÓNS
Voceiro Dixital do Bloque Nacionalista Galego de Vilaboa

XABIER MÍGUEZ SANTOS

Concelleiro do BNG en Vilaboa

Alcalde entre os anos 1999 e 2003

  

15-09-2009

Darwinismo social

Feijóo estase a manifestar coma un gobernante perigoso que está  arrasando coas pouquiñas políticas igualitarias que se puxeron en marcha no país. A filosofía de fondo é o liberalismo de inspiración neocon que produciu a actual crise económica e demostrou ser unha desfeita para todos nós.

Na súa práctica, o presidente deportista arramblou coa gratuídade dos libros de texto porque entende que a educación non é un dereito universal e gratuíto. Reduciu o número de especialistas en pedagoxía terapéutica porque seica non son necesarios para a atención ao alumnado con problemas de aprendizaxe. Aumentou o número de grupos por profesor nas escolas de idiomas facendo imposible que nas horas de máis demanda, as últimas da tarde, se poida atender a todos os que queren aprender outra lingua, e iso que todos iamos falar inglés en menos do que canta un galo.

A lingua galega é inútil e, en consecuencia, hai que eliminala dos programas educativos. Se unha parte do pobo galego, por diversas circunstancias sociais e históricas, chegou á conclusión de que é máis guai falar unha lingua máis enorme, o PP vaille facer caso porque eles pensan que por iso, xusto por iso, gañaron a liga. Isto é o moderno e deixámonos guiar polos que afirman sen vergonza ningunha que aquí non hai liberdade lingüística e que andamos a paos cos que falan español.

Cultura galega? Para que? Non sexa vostede provinciano, home, que a cultura de verdade faise en español, dixo o home que corre os mil metros nun abrir e pechar de ollos diante do Consello da Cultura.

Cargámonos o concurso eólico que promovia ao sector empresarial galego, facendo que se investisen os cartos do vento en crear riqueza entre nós. Non vaia ser que os galegos pensen que poden facer cousas por si e aproveitar os seus propios recursos. As galescolas convertéronse en galiñuelas e volverán á miseria de recursos educativos e de persoal das garderías municipais, precarias e insuficientes.

Son só exemplos que adobían un cadro espantoso no que de fondo se le a máxima do darwinismo social: “sobreviven os fortes e os débiles desaparecen”. Os servizos públicos teñen tamén que dar beneficios e os que os usan terán que espabilar e aproveitar a grandes oportunidades que lles ofrece o sistema para facerse millonarios e usar as alternativas de pago. O ataque ao ínfimo estado de benestar é completo e sistemático e só tendes que volver os ollos ao que pasou co tacherismo e o reaganismo para saber por onde van os tiros: máis marxinalidade, máis exclusión, máis diferencias entre ricos e pobres, menos sociedade, máis individualismo.

comenta esta opinión

Nome
Correo-e
Comentario

Debes cumprimetar tódolos campos. O correo electónico non se mostrará. O BNG de Vilaboa non se fai responsable do contido dos comentarios. Non se publicarán os comentarios ofensivos ou que sexan sospeitosos de non respetar a legalidade vixente.

 

Recebe no teu correo-e as novidades da Web

correo-e

Tamén podes receber gratuitamente as novidades no teu móbil enviando unha mensaxe coa palabra ALTA ao 650784558. (coste da mensaxe, según tarefas operadores). Para darte de baixa no servizo envía unha mensaxe coa palabra BAIXA.

Privacidade: O tratamento dos datos persoais está axustado á normativa establecida na Lei Orgánica 15/1999, de 13 de decembro, de Protección de Datos de Carácter Persoal (BOE 14/12/1999), e normativa de desenvolvemento.
AXENDA

 

ARTIGOS ANTERIORES

 
Inicio | Nós| Escríbenos| © BNG Vilaboa 2007-2009. Autorízase a reproducción dos artigos (excepto os de opinión) sempre que se cite a fonte.