Edita: Consello Local BNG de Vilaboa
 
OPINIÓN E COLABORACIÓNS
Voceiro Dixital do Bloque Nacionalista Galego de Vilaboa

XABIER MÍGUEZ SANTOS

Concelleiro do BNG en Vilaboa

Alcalde entre os anos 1999 e 2003

  

06-06-2009

Asfaltemos as praias

Andan os neocons españois denunciando que a cativeza moral de Occidente vén do maio do 68, que atacou de raíz o pensamento tradicional e trouxo aires frescos de liberdade a moitos ámbitos da nosa vida cotiá. Seica queren acabar coa herdanza daquela revolución, volver aos tempos de Trento e traer o rearme moral que o pailán Mayor Oreja estivo anunciando na súa campaña. Non creo que a xente entendese moito o que quere dicir o tal, pero pouco importa.

Lembraredes que un dos lemas que tivo certo éxito no maio francés foi aquel de “Levantemos os adoquíns, debaixo está a praia”. Penso que foi un dos primeiros berros ecoloxistas de defensa do medio natural e contra os criterios de masiva urbanización que os defensores de certo progreso mal entendido estaban a levar a cabo.

En Vilaboa, onde estamos sempre á última, somos partícipes, pois, da revolución neoconservadora. Asfaltamos a praia de Deilán e parques como o da Canteira ou Riomaior. Non sei se a cousa sería produto da reflexión ou da ocurrencia. Se foi produto da reflexión deberíamos facer algunha aportación teórica do estilo “Asfaltemos a praia, bañemos o coche”, “Parque asfaltado, neno aseado” ou algo por estilo. En fin, poderíamos pedir a aportación dos inxeniosos do municipio.

Se foi unha ocurrencia, retiren o chapapote, por favor.

comenta esta opinión

Nome
Correo-e
Comentario

Debes cumprimetar tódolos campos. O correo electónico non se mostrará. O BNG de Vilaboa non se fai responsable do contido dos comentarios. Non se publicarán os comentarios ofensivos ou que sexan sospeitosos de non respetar a legalidade vixente.

 

Recebe no teu correo-e as novidades da Web

correo-e

Tamén podes receber gratuitamente as novidades no teu móbil enviando unha mensaxe coa palabra ALTA ao 650784558. (coste da mensaxe, según tarefas operadores). Para darte de baixa no servizo envía unha mensaxe coa palabra BAIXA.

Privacidade: O tratamento dos datos persoais está axustado á normativa establecida na Lei Orgánica 15/1999, de 13 de decembro, de Protección de Datos de Carácter Persoal (BOE 14/12/1999), e normativa de desenvolvemento.
AXENDA

 

ARTIGOS ANTERIORES

 
Inicio | Nós| Escríbenos| © BNG Vilaboa 2007-2009. Autorízase a reproducción dos artigos (excepto os de opinión) sempre que se cite a fonte.