 |
X. CÉSAR BLANCO POCEIRO
Responsable local do BNG
|
|
19-05-2009
"O voto rentable"
Se os deputados do Congreso do Estado cotizaran en bolsa, os que hai máis dun ano en Vilaboa lle demos o voto ao BNG nas eleccións xerais xa empezaríamos a tirar rentabilidade del. No cacho que levamos de lexislatura o Goberno Central xa se viu obrigado a manifestarse en múltiples ocasións en temas relacionados co noso concello e sempre a inciativa do Bloque Nacionalista Galego.
Ahí están iniciativas como a da segunda fase de mellora do entorno das Salinas de Vilaboa, a urbanización do tramo de N-550 entre Paredes e Arcade ou a rexeneración da praia de Pousada que a administración do Estado asumiu como necesarias e nas que está xa traballando. Outras obrigaron ao goberno a ter qur explicarse ante problemas que padecen os nosos veciños como a reforma da N-554, o acceso á banda ancha e Internet en Postemión e a Graña ou a franxa de seguridade da Brilat.
A pesar de que a inmensa maioría dos votos de Vilaboa foron para as arcas do PP e do PSOE, para os dous grandes partidos Vilaboa non ten nin problemas nin necesidades. Agora en poucos días, o 7 de xuño tócanos votar outra vez, neste caso nunhas eleccións europeas. Teremos que escoller coma sempre, entre invertir o noso voto "nas grandes empresas españolas", que unha vez que nos venderon a moto o beneficio lévano non se sabe ben para onde, ou na pequena "empresa familiar" que representa o BNG. En Europa Galicia xógase moito, por iso eu invertirei nun valor seguro, o BNG.
 comenta esta noticia
    
|
|
Recebe no teu correo-e as novidades da Web
Tamén podes receber gratuitamente as novidades no teu móbil enviando unha mensaxe coa palabra ALTA ao 650784558. (coste da mensaxe, según tarefas operadores). Para darte de baixa no servizo envía unha mensaxe coa palabra BAIXA.
Privacidade: O tratamento dos datos persoais está axustado á normativa establecida na Lei Orgánica 15/1999, de 13 de decembro, de Protección de Datos de Carácter Persoal (BOE 14/12/1999), e normativa de desenvolvemento. |
 AXENDA |
OPINIÓNS ANTERIORES
|
