 |
X. CÉSAR BLANCO POCEIRO
Responsable local do BNG
|
|
28-03-2009
"Madrid fica lonxe"
Esta é a sensación que temos moitos á vista de como transcorren algúns asuntos de especial importancia para o noso concello. O noso alcalde ven de decirnos esta semana que dan ganas de chorar escoitar os prazos que lle dan os "funcionarios" de Fomento para que os veciños poidamos coñecer o trazado definitivo da estrada N-554, e na que se está traballando dando brincos dun lado para o outro ao carecer do proxecto final.
Custa recordar xa o tempo que se leva dándolle voltas ao proxecto inicial e que foi rexeitado amplamente polos veciños e veciñas. Mentres a ida das alegacións feitas ao proxecto foi sempre áxil en tempo e prazo, a volta eternízase debido ás numerosas voltas que ten que realizar o proxecto de Galiza a Madrid e viceversa, onde funcionarios non se poñen dacordo os uns cos outros sobre cal é o mellor trazado para a nosa estrada. É bastante probábel que os tramos que se iniciaron hai cinco meses estén rematados antes de que vexamos o proxecto definitivo que deberían recoller as alegacións feitas por veciños e colectivos.
Esta é unha mostra de porque os nacionalistas vimos reclamando dende hai tempo un novo Estatuto onde se recollan máis competencias para non ter que sufrir a nefasta dilixencia de boa parte da administración central. Iso si, o proxecto non se sabe cando chegará, pero as multas que lle impoxeron a dous veciños o pasado mes de agosto por participar en actos nos que se urxía unha solución ao lamentábel e perigoso estado da estrada, cumpriron todo o proceso administrativo con alegacións engadidas e son firmes nun tempo récord. É que para as cousas malas, Madrid quédanos á porta da casa.
 comentarios recibidos (2)
2. Enviado por: bauhaus, 2009-03-30 15:52:09 PDT
Feijoo sí... outro máis! jojojojo |
1. Enviado por: Gaviotero, 2009-03-29 11:51:35 PDT
Tranquilo, esto lo arregla Feijoo. Mas las galescolas y que los niños hablen gallego. Son nuestras prioridades. |
comenta esta noticia
    
|
|
Recebe no teu correo-e as novidades da Web
Tamén podes receber gratuitamente as novidades no teu móbil enviando unha mensaxe coa palabra ALTA ao 650784558. (coste da mensaxe, según tarefas operadores). Para darte de baixa no servizo envía unha mensaxe coa palabra BAIXA.
Privacidade: O tratamento dos datos persoais está axustado á normativa establecida na Lei Orgánica 15/1999, de 13 de decembro, de Protección de Datos de Carácter Persoal (BOE 14/12/1999), e normativa de desenvolvemento. |
 AXENDA |
OPINIÓNS ANTERIORES
|
