PECHAN O ACCESO A UN VIAL E A UN APARCADOIRO CON BEIRARRÚAS NO TOURAL
Reforma da N-554: Pior... imposible
 Indignación entre os veciños pola arbitrariedade na liña de feche de propiedades nas obras da N-554 (05/02/10)
infobloque-vilaboa.com | 16/02/10 |  (0) |
|
Son constantes as queixas e denuncias por como se están a facer as obras da N-554 e o malestar veciñal segue en aumento, debido as grandes deficiencias nas obras e a pasividade do goberno municipal para resolver os problemas existentes.
No lugar do Toural, entre o edificio de Correos e o Banco Galego, existe unha entrada a unha pista e aparcadoio público que nestes días foron pechados, xa que se colocou beirarrúas, facendo imposible a entrada. Os veciños e veciñas do lugar están indignados con Fomento e co Concello polo sucedido, xa que miran como as súas protestas non xurden efecto e, por parte do Alcalde e do goberno municipal non resolven o problema. “Non se pode permitir que se corte a entrada a un vial e aparcadoiro público, e o que debe facer o Concello é ordenar á empresa e a Fomento que se deixen as entradas, polo menos, da mesma maneira que estaban. Lembro que o Alcalde comprométerase, na última asemblea veciñal, a negociar e resolver sobre a marcha todos aqueles problemas que fosen xurdindo, entre eles os relacionados cos aparcadoiros, pero tamén coas entradas e accesos cousa que, como se demostra, non se está facendo.”, declarou Ornela Fernández.
Outro motivo de indignación veciñal é a falta de criterio á hora da construcción das beirarrúas e das zonas de aparcadorio. No lugar do cemiterio de Vilaboa, a beirrarúa foi construída pegada á estrada, deixando un espacio amplio entre ela e o límite da expropiación, “cousa que non ten sentido porque se se fixesen ben as cousas no mesmo tramo daría para facer unha zona de aparcadoiro, tan necesaria nesa zona. Tamén é destacable o ancho das beirarrúas, unha anchura insuficiente, tendo en conta que en moitos lugares habería espacio para poder facelas máis anchas, xa que entre o seu inicio e os peches de propiedades estanse deixando espacios baleiros”, afirmou a voceira nacionalista.
Segundo o BNG, o que está a acontecer coa N-554 é o claro exemplo da ineficacia do Alcalde e do goberno municipal para resolver os problemas dos veciños e veciñas de Vilaboa. “A pasividade, por parte do goberno municipal, ven a demostrar a connivencia do Alcalde con Fomento e a súa falta de criterio e de iterlocución para demandar solucións a estas deficiencias”, dixo Fernández Salgado.
Por todo isto, o vindeiro venres día 19, a deputada do BNG no Congreso dos Deputados, Olaia Fernández Davila, vai visitar, acompañada do grupo municipal do BNG , as obras da N-554. “Nós xa presentamos varias iniciativas no Congreso dos Deputados denunciando as deficiencias nas obras, pero consideramos que é necesario que a nosa deputada vexa in situ o descontrol que está supondo esta obra, para que así o manifeste e denuncie ante Fomento”, rematou Fernández Salgado.
 comenta esta noticia |
    
|
