OBRAS DE REFORMA DO FIRME PARALIZADAS E TREITOS CASE INTRANSITABLES
Un "camiño de cabras" chamado N-554
 Cándido Rosendo denuncia que as obras da N-554 están case paralizadas (22/11/09)
infobloque-vilaboa.com | 07/01/10 |  (1) |
|
O malestar e a indiganción crece día a día entre os veciños de Vilaboa que teñen que circular, moitos deles a diario, pola estrada N-554 dado o lamentable estado que presenta con baches que se converten en auténticos socavóns que cruzan a estrada de lado a lado como poden ser os da curva do transformador de Vilaboa ou tamén na curva do tansformador de Pousada. Mentres a estrada se está convertendo nun auténtico camiño de cabras, o servizo de mantemento de estradas de Fomento limítase a intentar arranxar os baches colocando un pouco asfalto manualmente e pisado cos propios pes dos operarios. Estes actuacións de Fomento apenas duran tres ou catro días xa que as choivas contínuas e o intenso tráfico desfán rápidamente as chapuzas feitas por Fomento.
Por outra banda, a ninguén lle pasa desapercibido a total desaparición da estrada de toda a maquinaria destinada levar a cabo a reforma do trazado. A día de hoxe só permanecen algúns operarios en tarefas de urbanización na construcción de beirarrúas en Santradán. Quince meses despois de comenzar as obras; recordemos que o prazo para a execución por parte de Fomento era de 18 meses, estas tal e como xa advertimos en novembro do ano pasado están prácticamente paralizadas.
Fernández Salgado, voceira nacionalista, esixiu hoxe que alguén lle explique aos veciños e veciñas de Vilaboa de xeito oficial que está pasando coas obras de reforma desta estrada. Preguntouse o porqué de tanta presa para comenzalas cando se carecía dun proxecto definitivo e agora se reduce o ritmo dos traballos ata a paralización que se observa nas últimas xornadas. Recordou tamén despois de varios anos a voltas co proxecto aínda non se presentou o definitivo.
Demandou que Fomento se tome en serio o "darlle unha solución ao estado do firme da estrada, na que nalgúns tramos é intransitable, sobre todo entre o empalme do Toural ata o cimeterio de Vilaboa e o que descorre ao longo da parroquia de Sta Cristina de Cobres. Mesmo a Garda Civil de Tráfico advertíu hai poucos días do lamentable estado do firme. Os veciños e veciñas estamos xa fartos de ver como os nosos vehículos se deterioran rápidamente, sobre todo amortiguacóns e rodas, mentres que Fomento fai o "paripé" bacheando cun pouco de piche e pisándoo cos pes".
No relativo á actuación do goberno municipal Fernández Salgado demandou que esixan solucións inmediatas a tanta pasividade. Anuniciou a presentación dunha iniciativa para que den explicacións sobre que iniciativas e xestións está levando a cabo para por remedio a esta desesperante situación. "Parece que non vivisen aquí e non tiveran que pasar a diario por ela, para ver como está e non facer nada", lamantou a voceira nacionalista.
 comentarios (1) |
1. Enviado por: exclusivo, 2010-01-08 10:20:05 PST
Tranquilos todos. Hoxe o alcalde coa contundencia que o caracteriza dice que "DO DÍA 11 NON PASA". Vai traer as máquinas e os obreiros a cintazo limpo, se non xa veredes... |
comenta esta noticia |
    
|
