A INSTANCIA DO BNG
Ábrenlle expediente de infracción urbanística a Fomento pola nave de Acuña
infobloque-vilaboa.com | 04/06/10 |  (0) |
|
O Concello ven de abrir un expediente de infracción urbanística a Fomento pola nave que este está a construír na N-554, no lugar de Acuña. Isto fora o que solicitara o BNG ao goberno municipal despois de que o Ministerio comezara a construír a instalación sen que presentaran proxecto algún nin tivese e pagase a licenza e taxas correspondentes.
Hai que recordar que o BNG presentou no pleno do mes de abril unha moción solicitando que se paralizasen as obras de construcción desta nave e que esta moción fora presentada porque días atrás o BNG presentara un escrito denunciando este feito e solicitando a paralización destas obras sen que houbese resposta e resultado por parte do concello. Tralo rexeitamento da moción, debido aos votos en contra do grupo socialista e a abstención do PP, o BNG pediu que se lle abrise expediente de infracción urbanística a Fomento.
“Non nos parecía lóxico que, segundo estimacións nosas, se lle condonase ao Ministerio o pago de apxomidamente de 25 mil euros en licenzas e taxas, mentras os veciños e veciñas teñen que pagar e cumprir coa lei. O Concello debe velar polas súas competencias en materia urbanística e estar informado de todas as obras que se fagan no seu territorio e cando non é así o que debe facer o goberno municipal é esixir que se cumpra eses requisitos. Alegrámonos que dunha vez por todas o Alcalde e o seu goberno fagan algo útil fronte a Fomento, xa que naquel pleno a moción foi rexeitada polo voto en contra do grupo socialista alegando que non estaba nada claro que tivesemos razón.”, declarou Fdez. Salgado.
Segundo a voceira nacionalista, trala denuncia presentada polo seu grupo, o concello tamén transmitiu este expediente á Axencia de Protección da Legalidade Urbanística da Xunta de Galicia (APLU) para que esta se pronuncie. Na actualidade as obras están paradas e xa levan así preto dun mes.
 comenta esta noticia |
|
