PRESENTA UNHA MOCIÓN PARA QUE A NOVA XUNTA ATENDA ESTA DEMANDA VECIÑAL
O BNG quere que a Xunta de Galicia asuma a titularidade da N-554
 Touriño renuncia á transferencia da N-554 á Xunta de Galiza (02/01/09)
infobloque-vilaboa.com, 12/06/09. Visto que na actualidade houbo un cambio no executivo da Xunta de Galicia, e que, por tanto, cambiaron as persoas á fronte da consellería correspondente na materia de infraestructuras, desde o grupo municipal do BNG considera oportuno que o concello de Vilaboa retome estas reivindicacións e, en consecuencia vai presentar unha moción, para debater no pleno deste mes, para que se acorde pedir á Consellería de Medio Ambiente, Territorio e Infraestructura a transferencia da estrada N-554, actualmente titularidade do Estado.
Esta non é unha demanda nova, xa que o pasado mes de outubro o BNG xa presentara unha moción, aprobada por unanimidade en sesión plenaria, na que se solicitaba a presentación dunha alegación ao Plan Director de Estradas elaborado pola, daquela, Consellería de Política Territorial, no cal non se incluía dita transferencia de titularidade.
No seu momento, o Grupo Parlamentario do BNG no Parlamento de Galiza presentou unha iniciativa ao respecto, e esta foi contestada, concretamente o día 12 de decembro, pola Consellería de Política Territorial na que dicía que non tiña previsto solicitar a transferencia da estrada.
Segundo Ornela Fernández Salgado, “non é lóxico que unha estrada destas características, que transcorre na súa práctica totalidade por núcleos habitados, sexa competencia do Estado. O paso á ser unha estrada da Xunta de Galiza suporía todo tipo de melloras, desde as afeccións ata as condicións de seguridade vial”.
 comenta esta noticia
    
|
|
Recebe no teu correo-e as novidades da Web
Tamén podes receber gratuitamente as novidades no teu móbil enviando unha mensaxe coa palabra ALTA ao 650784558. (coste da mensaxe, según tarefas operadores). Para darte de baixa no servizo envía unha mensaxe coa palabra BAIXA.
Privacidade: O tratamento dos datos persoais está axustado á normativa establecida na Lei Orgánica 15/1999, de 13 de decembro, de Protección de Datos de Carácter Persoal (BOE 14/12/1999), e normativa de desenvolvemento. |
 AXENDA |
 Moción presentada
 NOTICIAS RELACIONADAS
|
