EN RIOMAIOR ESTANSE A CONSTRUIR BEIRARRÚAS QUE DESFÁN AO DÍA SEGUINTE
Reforma da N-554: como as galiñas, facer hoxe desfacer mañán
 A deputada do BNG Olaia Fernández Davila atendeu onte as demandas veciñais ... (20/02/10)
infobloque-vilaboa.com | 25/02/10 |  (0) |
|
Non hai día que as obras de reforma da estrada N-554 ofreza unha homenaxe á chapuza e a improvisación, onde os enxeñeiros e técnicos do Ministerio de Fomento estanse "cubrindo de gloria". Nesta ocasión o turno chegoulle á zona de Riomaior en Sta Cristina de Cobres, onde as beirarrúas que se comenzaron a construir estes días hoxe foron desmontadas. O lamentable desta situación é que esta maneira de proceder é unha constante ao longo do ano e medio que levamos de obras.
A xuizo da voceira nacionalista, Ornela Fernández Salgado, "o método constructivo que aplica Fomento nesta estrada, ao que nós xa lle chamamos "método galiña de Fomento", porque o que fan co pico, desfanno coas patas, é froito de algo que nós denunciamos dende un principio; o proxecto non se axustaba á realidade topográfica pola que discurría, e os técnicos que o redactaron, confundiron Vilaboa cunha vila de Castela onde todo é chan. Advertimos ata a saciedade que ducias de accesos a lugares e vivendas ían quedar illadas".
"Nese punto kilométrico ao que nos referimos, o PK 5+550, xa alegamos no seu momento que as cotas de nivel da nova estrada aumentaban excesivamente, eliminando o acceso ao barrio do Muiño e a uns locais comerciais. Fomento modificou o proxecto "debuxando" un acceso pero sen variar as cotas, e unha vez que se empezan a realizar as obras danse conta da chapuza que están cometendo", declaoru Salgado.
Para a voceira nacionalista este non é o único caso de desfeita no últimos días xa que no PK 4+750, na explanación de terra para a construcción dunha rotonda soterraron a saída á estrada dun camiño coñecido como "Lamela" que comunica o vial co barrio de Barciela. Salgado pediulle ao Ministerio de Fomento sentido común, que se detecten os problemas e que se teñan previstas solucións, en vez de imporvisar sobre a marcha, algo que nos indigna a todos, sobre todo aos afectados directos, onde para uns se usan uns criteiros, e para outros uns distintos.
 comenta esta noticia |
    
|
