O BNG DENUNCIOU NO SEU DÍA O FEISMO QUE REPRESENTA ESTA OBRA
Salgado esíxelle a Poceiro que clarexe quen pagou o muro das Salinas
 Medio Ambiente culpa ao goberno municipal do "feismo" do muro nas Salinas (05/05/09)
infobloque-vilaboa.com | 02/06/10 |  (0) |
|
Ornela Fdez. Salgado, voceira municipal do BNG, ven de anunciar hoxe que o seu grupo vai presentar unhas preguntas para o Pleno do mes de xuño para que o grupo de goberno informe e aclare as condicións de pago do muro das Salinas.
No Pleno do mes de maio, celebrado o pasado mércores, o Alcalde afirmou, literalmente, que o muro das Salinas estaba pago, pero que ao Concello non lle valera ningún duro, pero en ningún momento aclarou quen pagou e cales foron as condicións da negociación.
Hai que recordar que a construcción do muro, responsabilidade do goberno municipal, realizouse dentro das obras de acondicionamento do entorno das Salinas e que se fixo como compensación ao titular pola cesión dos terreos. “ O valor do muro é de 27 mil euros, dez veces máis do que podía valer o pago da expropiación do terreo, polo que a ganancia do concello non a vemos por ningunha parte, todo o contrario”, afirmou a voceira nacionalista.
No seu día, o BNG denunciara esta construcción e votara en contra do seu pago nunha Comisión de Facenda polo gran impacto visual que causaba, e causa, nun entorno tan especial e tal magnitude ambiental como é o das Salinas, tendo en conta que está feito con materiais alleos aos empregados na zona e porque se trataba dun peche dunha propiedade privada e non de dominio público. “ O Alcalde ten que explicar como e quen efectuou ese pago e dunha vez por todas deixarse de tanto escurentismo neste tema, xa que levamos máis de ano e medio dándolle voltas a este asunto, pero en ningún momento aclara e informa correctamente. O único que está claro é a complicidade con Costas, xa que o muro está feito dentro da servidume de tránsito sen que, en apariencia, puxeran ningunha obxección. ”, afirmou Fdez. Salgado.
“O muro é unha auténtica chapuza e unha aberración, xa que afea a actuación salientable que se fixo nas Salinas, e que está a ter un grande respaldo social como demostra a gran cantidade de xente que disfruta do lugar tanto en días de diario como fins de semana. E hai que lembrar que, no seu día, a Dirección Xeral de Patrimonio, da Consellería de Cultura, abriulle un expediente pola grave agresión que supoñía ao entorno.”, dixo Ornela Fernández.
 comenta esta noticia |
|
|
Recebe no teu correo-e as novidades da Web
Tamén podes receber gratuitamente as novidades no teu móbil enviando unha mensaxe coa palabra ALTA ao 650784558. (coste da mensaxe, según tarefas operadores). Para darte de baixa no servizo envía unha mensaxe coa palabra BAIXA.
Privacidade: O tratamento dos datos persoais está axustado á normativa establecida na Lei Orgánica 15/1999, de 13 de decembro, de Protección de Datos de Carácter Persoal (BOE 14/12/1999), e normativa de desenvolvemento. |
 NOTICIAS RELACIONADAS
|
