SALGADO DI QUE DEBE DAR AS EXPLICACIÓNS QUE DEMANDAN OS VECIÑOS
Poceiro négase a decir quen pagou o muro das Salinas
 Salgado esíxelle a Poceiro que clarexe quen pagou o muro das Salinas (02/06/10)
infobloque-vilaboa.com | 01/07/10 |  (0) |
|
O alcalde de Vilaboa negouse a dar explicacións sobre o pago do muro das Salinas, valorado polo BNG inicialmente en 27.000 euros, pero que puido chegar aos 36.000, pola ampliación pola senda adoquinada, no prevista ao comezo das obras.
O BNG vén demandando información desde que tivo coñecemento de que era o Concello o que ía asumir o custe das obras. En diversos Plenos municipais e no Congreso está tratando de aclarar a situación dese muro que é rexeitado unanimemente pola poboación de Vilaboa que non entende como se puido facer semellante obra nunha contorna protexida como é As Salinas. Ademais, o tal muro non estaba en absoluto previsto no proxecto de rehabilitación das Salinas.
No Congreso, a pregunta da deputada Olaia Fernández, o Ministerio de Medio Ambiente, do que depende a Dirección Xeral de Costas, respondeu que as obras do muro eran responsabilidade do Concello de Vilaboa.
No Pleno do Concello, celebrado o 30 de xuño de 2010, Luis Poceiro contestou, a preguntas do BNG, que o muro definitivamente no fora pagado polo concello, pero non contestou quen o pagara, o valor das obras e nin as condicións do acordo acadado co anónimo pagador.
Diante desta situación Ornela Fernández afirmou que neste tema “estase a demostrar un déficit democrático” posto que “a cidadanía ten dereito a saber”, sobre todo “nun tema de grande sensibilidade social coma este”. Fernández considerou que “o alcalde debe dar explicacións porque os veciños e veciñas teñen dereito a saber en que se gastan os seus cartos, que non poden ser malgastos sen control ningún”.
Debido á negativa do alcalde, o BNG volverá a preguntar no Congreso dos Deputados por este asunto.
 comenta esta noticia |
|
