A TRAVÉS DUNHA MOCIÓN QUE SE DEBATERÁ NO PLENO DESTE MES
O BNG pedirá a adhesión de Vilaboa ao manifesto "Galiza ten dereito"
infobloque-vilaboa.com | 10/02/10 |  (0)  |
|
O BNG de Vilaboa vén de presentar unha iniciativa no rexistro do concello para que sexa debatida no pleno do mes de febreiro, na que se solicita que a Corporación Municipal tome o acordo de adherirse ao Manifesto “Galiza ten dereito”.
O pasado día 05 de febreiro foi presentado no Parlamento de Galiza, a iniciativa do BNG, o Manifesto “Galiza ten dereito”. Esta iniciativa foi a resposta á presentación, por parte do goberno do Estado, dun recurso de inconstitucionalidade contra a Lei de Caixas de Galiza que conleva a paralización da súa aplicación nun momento decisivo, o que pode colocar ás caixas galegas na situación idonea para que sexan absorbidas por entidades foráneas.
O acto de presentación constituiu para o BNG a expresión de que a sociedade galega non está disposta a deixarse asoballar, porque Galiza ten dereito a ter un sistema financeiro eficiente ao servizo do País, a elaborar leis en beneficio da sociedade e da economía galegas e a que o Estado respecte o noso autogoberno.
Segundo os nacionalistas, o encontro das forzas sociais e políticas asinantes do Manifesto é a expresión de que a sociedade galega non está disposta a deixarse asoballar por un Goberno que en Galiza adopta medidas que non toma no resto do Estado; xa que o Goberno do Estado non presentou recurso algún ante as leis vasca, catalá ou andaluza.
Para o BNG, está en xogo os aforros de todos os galegos e galegas, pero tamén o futuro económico e financieiro de Galiza, xa que sen a fusión das dúas caixas galegas, Galiza ficaría sen sistema financieiro propio, un dos principais instrumentos para o seu desenvolvemento económico.
Sobre a manifestación de onte en Vigo, Fernández Salgado mostrou hoxe o máximo respecto polos milleiros de persoas que se opoñen á fusión das caixas galegas, pero a seguir sentenciou que "Caballero "pinchou" nas rúas de Vigo, xa que a manifestación estivo lonxe de ser masiva e non representa a vontade maioritaria do sentir da xente de Vigo e da comarca. Felizmente a maioría da sociedade viguesa ve a Vigo como unha peza esecial de Galicia e pensa claramente en clave galega".
 comenta esta noticia |
    
|
|
Recebe no teu correo-e as novidades da Web
Tamén podes receber gratuitamente as novidades no teu móbil enviando unha mensaxe coa palabra ALTA ao 650784558. (coste da mensaxe, según tarefas operadores). Para darte de baixa no servizo envía unha mensaxe coa palabra BAIXA.
Privacidade: O tratamento dos datos persoais está axustado á normativa establecida na Lei Orgánica 15/1999, de 13 de decembro, de Protección de Datos de Carácter Persoal (BOE 14/12/1999), e normativa de desenvolvemento. |
 AXENDA |
Manifesto “Galiza ten dereito”
 NOTICIAS RELACIONADAS
|
