TAN SÓ EN 2008 INVESTÍRONSE 200 MIL EUROS
Medio Rural investiu en Vilaboa máis de medio millón de euros en obras de infraestructura rural
nfobloque-vilaboa.com, 31/01/09. As novas políticas deseñadas dende a Consellería do Medio Rural encamiñadas a mellorar as infraestructuras e dinamizar o medio rural fixéronse notar en Vilaboa tal e como se desprende da análise dos dados dos investimentos feitos en Vilaboa.
O departamento que dirixe o nacionalista Alfredo Suárez Canal, investiu en obras de infraestructura rural medio millón de euros en diversas obras de mellora de viais entre os cales se atopan os camiños de O Pazo (Figueirido), Leira Longa (Bértola), O Areeiro (Paredes), O Freixal (San Adrián de Cobres), Chamiceira (San Adrián), Covelo San Adrián), Picho-Cacheiro (Vilaboa), Novás - Toural e camiño do Rial (Bertola) entre outras. Estas inversións supoñen un notábel incremente sobre os fondos que destinaba a anterior administración do Partido Popular.
No último exercicio a inversión no noso concello achegouse aos dous centos mil euros e foron destinadas entre outras actividades a explotacións agrarias na mellora de plans de mellora de profesionais e non profesionais, servizo de defensa contra incendios con axudas a desbroces, amaño de pistas forestais ou infraestructuras básicas como depósitos de auga. Tamén foron subvencionadas as actividades destinadas á posta en valor do noso monte dentro da liña de silvicultura ou fomento das frondosas autóctonas.
Dinamizar e diversificar a economía rural, xerando novas oportunidades de emprego e fontes de renda, mellorar a dotación de servizos e calidade de vida no rural son parte dos obxectivos dos investimentos da Consellaría do Medio Rural.
 comenta esta noticia
    
|
|
Recebe no teu correo-e as novidades da Web
Tamén podes receber gratuitamente as novidades no teu móbil enviando unha mensaxe coa palabra ALTA ao 650784558. (coste da mensaxe, según tarefas operadores). Para darte de baixa no servizo envía unha mensaxe coa palabra BAIXA.
Privacidade: O tratamento dos datos persoais está axustado á normativa establecida na Lei Orgánica 15/1999, de 13 de decembro, de Protección de Datos de Carácter Persoal (BOE 14/12/1999), e normativa de desenvolvemento. |
 AXENDA |
 NOTICIAS RELACIONADAS
|
