DEBATE DA MOCIÓN DO BNG PARA SOLICITAR O ACCESO A VIGO NA AP-9
Unanimidade na Deputación a prol do enlace de Barbeita

infobloque-vilaboa.com, 10/06/09. O Pleno da Deputación Provincial ven de aprobar na súa sesión ordinaria, celebrada no día de onte, e por unanimidade dos seus membros, a moción presentada polo Deputado Provincial do BNG, Daniel Rodas, na que se solicitaba que a Deputación Provincial se dirixise á concesionaria AUDASA, ao Ministerio de Fomento e demais organismos competentes, solicitando a construción dunha entrada e saída da AP-9 en dirección a Vigo á altura da Barbeita (Figueirido)

Esta medida vense sumar á campaña iniciada polo Grupo Municipal do BNG. O pasado día 23 de maio o BNG de Vilaboa comezou unha campaña de recollida de sinaturas para solicitar a apertura dun enlace de entrada e saída á AP-9 dirección Vigo, no lugar de Barbeita, parroquia de Figueirido. Os nacionalistas propuxeron aos veciños e veciñas asistentes ao acto celebrado no Local Social de Figueirido o apoio, coa súa sinatura, á presentación dunha alegación conxunta ao Proxecto de construcción do enlace da N-550 coa AP-9, no lugar de Barbeita.

Despois de dúas semanas de campaña, na que os propios veciños se comprometeron a recoller as sinaturas de todos aqueles que non estiveron presentes na xuntanza celebrada e dos usuarios de dito enlace e, tamén, contando co apoio da Asociación de Empresarios de Arcade e Soutomaior, máis de 150 persoas apoiaron coa súa sinatura a alegación conxunta.

“Alegrámonos que a moción presentada polo noso Deputado Provincial saíra adiante e esperamos que o Ministerio de Fomento escoite, dunha vez por todas, as nosas demandas. A conexión con Vigo suporía un gran beneficio para os veciños e empresas de Vilaboa e para o crecemento empresarial e económico do noso concello, pero tamén para veciños e veciñas dos concellos do redor”, declarou Ornela Fernández Salgado, voceira municipal nacionalista.

comentarios recibidos (2)

comenta esta noticia

AXENDA

Moción presentada na Deputación

NOTICIAS RELACIONADAS

• Máis de 150 sinaturas para solicitar o enlace a Vigo na AP-9 en Barbeita (10/06/09)
• O BNG recolle sinaturas en demanda do acceso a Vigo na AP-9 en Figueirido (23/05/09)
• Fomento non estima "funcionalmente necesario" o acceso á AP-9 en Barbeita (24/04/09)
• Ornela F. Salgado solicita información sobre as xestións levadas a cabo para a apertura dun enlace dirección Vigo no lugar de Barbeita (18/09/08)