2009
Estes son días de propósitos, de establecer uns obxectivos a realizar neste novo ano, e na política municipal non vai ser menos.
No noso caso máis que marcarnos unhas novas metas estaríamos falando de continuar coas xa marcadas porque, desde que comezou esta lexislatura, o BNG sempre tivo moi claros os seus obxectivos, e na súa gran medida esas son as mesmas intencións que nos marcamos para o ano 2009. O noso modo de facer política e os nosos obxectivos e proxectos non van variar porque, mal que nos pese, desde o goberno municipal non se fixo ningunha xestión encamiñada a súa consecución e case todos seguen sen realizarse.
Para empezar, seguiremos sendo a referencia para a solución de problemas de todos os veciños do noso concello, e os que marquemos a axenda política do noso concello, como está sendo desde o principio desta lexislatura,. O que todos queremos é o progreso do noso concello. Durante o 2008, seguindo a mesma liña que desde que comezou este mandato, Vilaboa desaproveitou moitas oportunidades procedentes da Xunta de Galicia, producto da incompetencia do goberno municipal e iso é algo que non se pode volver a dar e polo que nós seguiremos traballando, formulando políticas e propostas en positivo, sempre tendo en conta as peticións e problemas que os nosos veciños e veciñas nos manifesten, e tendo como único guión optar polo mellor para Vilaboa.
Un dos nosos obxectivos máis primordial é que Vilaboa conte, de unha vez por todas, con un Plan Xeral de Ordenación Municipal. Pola nosa parte imos pór todo o que estea nas nosas mans para que salga adiante, pero sempre e cando sexa un plan co que salga ganando todo o noso concello. Seguiremos facendo as nosas propostas como o levamos facendo todo este tempo, desde que se iniciara o procedemento, no ano 2000, sendo Xabier Míguez alcalde.
Queremos que Vilaboa conte con unha rede de equipamentos e servicios sociais. No noso concello xa contamos con unha Galescola, que a Vicepresidencia de Anxo Quíntana puxo en marcha fai case dous anos, pero non é suficiente. Tamén queremos contar con un Centro de Día para os nosos maiores e para que as nosas mulleres, na maioría das veces coidadoras, se poidan integrar no mundo laboral.
Entre os nosos obxectivos está que os nosos veciños e veciñas sexan o menos vulnerábeis posible á crise que está a acontecer. Para iso xa propuxemos que se tiveran en conta a xente en situación de desemprego do noso concello a hora de formular proxectos para o Fondo de Inversión Local, porque o primordial é que esta xente encontre traballo.
Por último, tamén lle recomendaría ao Alcalde e o seu equipo que marcase os obxectivos e proxectos para este ano, que non llos vexo moi claros, e que, a poder ser, incluíse entre a lista de cousas a mellorar para o 2009 o de dar exemplo, ou polo menos non dar tan mala imaxe aos cidadáns, tanto na súa capacidade de xestión e de goberno como no referente ao seu comportamento na participación nas sesións plenarias.
O máis seguro é que ao remate do 2009 esteamos a recontar os “despropósitos” do goberno municipal do PSOE que a marcar os propósitos do ano seguinte.
EDITORIAIS ANTERIORES
(23/11/08) Nula xestión
(18/09/08) Día a día
(06/08/08) Con este goberno, vaiche boa Vilaboa!
 comenta este artigo
    
|
|
Recebe no teu correo-e as novidades da Web
Tamén podes receber gratuitamente as novidades no teu móbil enviando unha mensaxe coa palabra ALTA ao 650784558. (coste da mensaxe, según tarefas operadores). Para darte de baixa no servizo envía unha mensaxe coa palabra BAIXA.
Privacidade: O tratamento dos datos persoais está axustado á normativa establecida na Lei Orgánica 15/1999, de 13 de decembro, de Protección de Datos de Carácter Persoal (BOE 14/12/1999), e normativa de desenvolvemento. |
 AXENDA |
|
