BNG Vilaboa. 03/05/2009

Por qué está o alcalde nervioso?

Os plenos municipais nos últimos meses xa non viñan sendo o que eran. Non é que que se perdera a inciativa ou o debate político, non, simplemente xa non se insulta tanto. Cando se fala de insultos refírese aos que por parte do alcalde dirixía aos membros da oposición, nomeadamente os do BNG.

Habería que remontarse ao mes de xuño do ano pasado para ver ao noso alcalde nunha actitude tan lamentable como a que mostrou o pasado mércores 29 durante o pleno ordinario do mes de abril. Daquela a imprudencia do BNG consistira na presentación dunha moción acompañada dunha campaña de recollida de sinaturas para que o goberno municipal propuxese, á daquela consellería socialista de Política Territorial e Obras Públicas da Xunta, a sinatura dun convenio para rematar co calamitoso estado do vial que vai a Sobreira. Collido en fóra de xogo, aderezou daquela a sesión plenaria con todo tipo de insultos, empezando por esa coletilla que tanto lle gusta, "...hai que ser seríos...", e remantando coa novidade de entonces de que aos do BNG "...había que colgalos dun pino...". Seguramente pensaredes que llo copiou a Fraga, que nunha conferencia en Madrid dixera algo parecido, pero non, el nesta ocasión anticipouse. Nisto dos improperios o noso alcalde supera ata o mismísimo Don Manuel.

Pois ben, dende entonces o comportamento do noso alcalde nos plenos fora pouco a pouco mellorando no tono, chegando nos últimos plenos antes das eleccións a recoñecer que moitas veces non se xestionaba ben, e incluso recoñecéndolle ao BNG a iniciativa política en moitos asuntos como positiva para o interese de Vilaboa. Pero como dí o refrán dos vellos, A raposa cambia o pelo pero non as mañas, e así esta semana pasada volveu ás andadas.

Nesta ocasión a grave imprudencia do BNG foi por por escrito algo que é de coñecemento público. O vial municipal que descorre por detrás da casa do concello ata o cimeterio de Vilaboa, era usado a cotío polos camións dunha planta formigoneira. Este vial relativamente novo, asfaltado na lexislatura de Xabier Míguez como alcalde está gravemente deteriorado polo paso dos camións. Estes, durante o mandado de Míguez saían da planta a estrada xeral a través doutra pista e tiñan a unha persoa para darlle paso e evitar accidentes. O concello cambiou de alcalde e a empresa cambiou de maneira de proceder, pasando a darlle saída aos camións a través do mencionado vial. Evidentemente, cando isto se fai durante anos é porque hai un consentimento implícito do goberno municipal.

O alcalde non aturou que isto se puxese por escrito e moito menos que a prensa o reflexase. Para este goberno municipal as cousas adquiren a categoría de importante cando saen nos periódicos e aproveitou a ocasión para mergullarse na salsa que máis lle gusta, a de substituir o debate político razonado polo dos insultos. Recuperou o seu repertorio habitual, ineptos, estúpidos, sinvergüerzas, mala xente, etc. rematando nesta ocasión con aquilo de "... se eu fose voso pai, dábavos unhas bofetadas ..." O remate hai que recoñecer que é menos drástico ca aquel de colgarnos nun pino.

Pero a pregunta é por qué o alcalde despois de varios meses volveu a perder os papeis? A resposta habería que buscala no desgaste político do alcalde e o seu grupo de goberno e a falla dun proxecto político para este concello que os está a levar á parálise na xestión. Mediada a lexislatura actual non se lle coñece unha soa idea ou proposta. Atrás quedan as promesas electorais como a do abastecemento de auga para todo o concello, o gran paseo marítimo dende Paredes ata San Adrián, a conexión á AP9 dirección Vigo en Barbeita, o tanatorio, o centro de día, a biblioteca na zona Norte, a olimpiada de xogos tradicionais, o PXOM, etc.

Meses atrás a nosa voceira calificara a este goberno municipal como de conservación e mantemento. Agora mesmo nin iso. O colapso na xestión municipal chega a tal extremo que se ven incapaces de retirar uns colchóns vellos tirados en plena travesía do Camiño Portugués na parroquia de Figueirido. A pesares de que se denunciou hai dúas semanas, o alcalde afirmou no pleno que non sabía moi ben que facer coas escombreiras que hai nos roteiros, e ahí siguen, como o mellor escaparate nos que os pelegrinos que fan o percorrido a Compostela nesta ponte festiva teñan a oportunidade de coñecer de primeira man a ineficacia do noso goberno.

Outra das causas polas que o noso alcalde, víctima da súa propia ineficacia e da do seu equipo de goberno, perda os papeis desa maneira podería atoparse nos resultados electorais de marzo. A perda do goberno da Xunta polo bipartito deixou a noso goberno municipal moi debilitado xa que este actuou en moitas ocasións como táboa de salvación. Cun goberno en minoría e coa administración provincial e autonómica de cor popular, apoderouse o pánico deles. Aínda tendo o goberno autonómico do seu partido político, tiña que ser a oposición os que tiveran que presentar as inciativas, lémbrese o caso da pista a Sobreira como exemplo. Os resultados electorais na parroquia do alcalde certifican o seu desgaste político, xa que foi a única forza que perdeu apoio popular.

No BNG asumimos que isto vai ser o habitual no que resta de lexislatura, e contra iso só podemos actuar dunha maneira, reafirmarnos no que vimos facendo dende que comenzara, nós facendo propostas encamiñadas a mellorar as condicións de vida dos nosos veciños e eles se queren que sigan insultando. A palabras necias, oidos xordos.

comentarios recibidos (10)

comenta este editorial

AXENDA

MULTIMEDIA

EDITORIAIS ANTERIORES

• (04/03/09) 1-M. O día despois.
• (03/01/09) 2009
• (23/11/08) Nula xestión
• (18/09/08) Día a día
• (06/08/08) Con este goberno, vaiche boa Vilaboa!