SALGADO DEMANDA UNHA ACTUACIÓN URXENTE POR PARTE DO GOBERNO LOCAL
A subida a Os Areeiros xa non ten vistas ao mar
infobloque-vilaboa.com | 09/06/10 |  (0) |
|
Ornela Fernández Salgado, voceira nacionalista, ven de denunciar no día de hoxe que as pistas municipais que transcorren polos barrios e parroquias de Vilaboa atópanse nunha situación lamentable, xa que as cunetas e as beiras están atuídas pola maleza e o escombro, chegando, nalgunhas ocasións, a prexudicar o tránsito dos vehículos.
Este é o caso, por exemplo, da pista da Cabreira de acceso ao barrio de Areeiros, en Santa Cristina de Cobres, vial no que ata hai pouco se podía desfrutar dunhas inmellorables vistas sobre o nacementeo da ría de Vigo namentras se subía o baixaba por ela, tanto no coche como a pé. Mesmo o pequeno parque-miradoiro que se acondicionara á beira do vial, hoxe é un silveiro no que incluso a maleza engulliu os bancos. Exemplos hai máis como a pista das Salinas.
Estes viais son un exemplo máis do calamitoso estado de moito dos viais municipais do noso concello. "O goberno municipal, ante a catastrófica situación deste e outros viais, debe acometer un programa de actuación a medio prazo no que, primeiro se lle dea prioridade aos viais que necesitan unha urxente reparación xa que en moitos casos son case intransitables, e segundo que o goberno municipal sexa rigoroso con todas aquelas actuacións que se levan a cabo neles, como obras de acometidas de saneamento, abastecemento de auga, realización de muros, etc que implican un deterioro dos viais e que ao finalizar as obras non se arranxan como é debido e que provoca un enorme deterioro dos viais, en algúns casos recen asfaltados" afirmou Fdez. Salgado.
A voceira nacionalista tamén denunciou que o tractor co que conta o concello leva meses sen ser usado. “ Cando non está no taller está parado, e iso non se pode permitir estando as pistas como están. Se fas un cálculo entre o uso que se lle está dando e os cartos que se gasta na súas múltiples reparacións, pois a verdade é que é un malgasto de cartos. Se o tractor estivera desbrozando periódicamente pois non se chegaría a situación actual na que se atopan os vias. Isto ven a demostrar o descontrol e falta de coordinación e xestión que caracteriza ao goberno municipal”, declarou a voceira nacionalista.
 comenta esta noticia |
|
|
Recebe no teu correo-e as novidades da Web
Tamén podes receber gratuitamente as novidades no teu móbil enviando unha mensaxe coa palabra ALTA ao 650784558. (coste da mensaxe, según tarefas operadores). Para darte de baixa no servizo envía unha mensaxe coa palabra BAIXA.
Privacidade: O tratamento dos datos persoais está axustado á normativa establecida na Lei Orgánica 15/1999, de 13 de decembro, de Protección de Datos de Carácter Persoal (BOE 14/12/1999), e normativa de desenvolvemento. |
 NOTICIAS RELACIONADAS
|
