O BNG CELEBROU NA TARDE DE ONTE UNHA XUNTANZA INFORMATIVA
Os veciños de Bértola indignados polo escurantismo das administracións coas subestacións eléctricas
 Subestacións eléctricas en Bértola: ninguén sabe nada (05.05.10)
infobloque-vilaboa.com | 08/05/10 |  (1)  |
|
Os membros do grupo municipal do BNG visitaron onte a parroquia de Bértola onde celebraron unha xuntanza informativa para dar conta da xestión levada a cabo polos nacionalistas para intentar sacar á luz as intencións tanto do Ministerio de Fomento como de Red Eléctrica Española (REE) de instalar sendas subestacións eléctricas na parroquia.
Ornela Fdez. Salgado e Tomás Boullosa que foron os que informaron aos veciños dos pasos dados, destacaron que todo este proceso que empezou a finais do mes de agosto do ano pasado, caracterizouse polo escurantismo oficial das administracións incluíndo a local que procuran que a construcción destas instalacións pase o máis desapercibidas posible, presentándoas como anexas ás obras do eixo atlántico de alta velocidade.
Advertiron que o xeito de proceder é o mesmo que Fomento puxo en práctica na N-554; dilatando a entrega dos proxectos constructivos, comezando as obras aproveitando os meses de verán onde a xente está máis relaxada, argumentando que os problemas se subsanarían sobre a marcha, etc. o que provocou que a obra sexa un completo desastre de principio a fin.
Pola súa banda os veciños mostráronse preocupados polo alto grao de desinformación que hai na parroquia e convencidos de que é necesaria a activación do movemento veciñal que impediu a instalación da empacadora hai xa máis de 10 anos e que permanece en "stand by" dende aquela. Os membros do grupo municipal do BNG ofreceron o seu apoio ás inicitivas de mobilización que mostren o claro rexeitamento da parroquia a que as súas propiedades se vexan enormemente deterioradas pola tránsito de liñas de alta tensión.
 comentarios |
1. Enviado por: Enrique, 2010-05-08 07:58:33 PDT
Que mágoa que non puidesemos asistir por motivos de traballo... grazas pola iniciativa
|
comenta esta noticia |
|
