RED ELÉCTRICA FALA AGORA DUNHA "SUBESTACIÓN BLINDADA"
Vilaboa é a única que non ten información sobre as subestacións eléctricas
infobloque-vilaboa.com | 20/05/10 |  (0)  |
|
A Consellería de Industria ven de respostar á inicitiva parlamentar que presentou o BNG o pasado 15 de marzo, e na que se demandaba que a Consellería dera conta da información que dispoñía sobre a intención de REE (Red Eléctrica de España) de construir unha subestación eléctrica nos terreos que a antiga FENOSA posúe na parroquia de Bértola para abastecer outra subestación de tracción da liña do AVE, moi perto da primeira.
Nesta resposta o goberno galego dá conta de que lle foron remitidos cinco expedientes que a día de hoxe atópanse nese departamento tramitando a solicitude de autorización. Trátanse da xa coñecida liña subterránea de conexión entre as dúas subestacións (EXP: IN407A 2009/859), un segundo correspondente á construcción dunha LAT (liña de alta tensión), que se instalará nos terreos da futura subestación e que conectará esta coas liñas LOURIZÁN-TIBO e LOURIZÁN-PAZOS (EXP: IN407A 2010/66-4), un terceiro sen número de expediente correspondente a unha liña de conexión ente a futura subestación de Bértola e a subestación de tracción do AVE. Un cuarto expediente correspondente á futura subestación de tracción do AVE, e no que a Xunta argumenta que esta instalación non é competencia de REE senón do administrador de infraestructuras ferroviarias. Para rematar un quinto expediente (EXP: IN407A 2010/65-4), que corresponde a futura subestación de Bértola proxectada por REE, no que a Consellería dá unha información escueta, pero significativa para confirmar que existe o proxecto dende o 2007, ano no que a Consellería de Medio Ambiente resolveu que non era necesario someter á declaración de impacto ambiental nin de efectos.
A respecto da subestación grande, o goberno galego fala agora dunha "subestación blindada" sen especificar a superficie que ocupará, aínda que non están previstas expropiacións. Hai que recordar que no proxecto de canalización entre as dúas subestacións (EXP: IN407A 2009/859) figura un plano da subestación a ceo aberto que ocuparía máis de catro hectáreas.
Para Fernández Salgado, voceira municipal do BNG, "esta información ven a pór de manifesto que todo está perfectamente programado en canto a construcción sa futura subestación eléctrica de Bértola e que hai unha intencionalidade clara de ocultarlle información aos veciños. Non é admisible como o goberno local se escusa reiteradamente alegando falta de información para desentenderse do tema, cando nós cos recursos limitados cos que contamos, aínda que pouca algunha información imos conseguindo, e é a única coa que contan os veciñas e veciñas de Vilaboa". Admitiu que "é posible que REE esté reformando o proxecto inicial da subestación debido ao rexeitamento social da instalación, xa que o número de expediente corresponde ao ano 2010, cando na resposta falan de que o proxecto xa se presentou no ano 2007. "
 comenta esta noticia |
|
