O INVERNO ESTÁ SENDO UN CALVARIO PARA OS VECIÑOS E VECIÑAS DESTE BARRIO DE SAN ADRIÁN DE COBRES
Enésimo apagón na Cardiña

infobloque-vilaboa.com | 05/01/10 | (0)

Por enésima vez neste inverno os veciños do barrio da Cardiña en San Adrián de Cobres voltaron a quedar durante preto dunha hora sen suministro eléctrico a noite do luns. Segundo informaron aos veciños os técnicos que acudiron ao lugar a subsanar a avería, esta débese á falla de potencia do transformador propiedade de Unión Fenosa, agora Gas Natural, incapaz da abastecer coa potencia necesaria a demanda de enerxía dos veciños do barrio.

Xa que logo, a avería débese a un fallo infraestructural na rede e non a un incidente puntual, a voceira nacionalista adiantou hoxe a presentación de sendas iniciativas, tanto no Concello como dirixida á Consellería de Industria co fin de que se renove a infraestructura existente, xa que doutra maneira os cortes no suministro seguirán sendo habituais.

Recordou Fernández Salgado que a unha interpelación no pleno de Outubro sobre este mesmo asunto o alcalde asegurou que o problema dos apagóns, dos que non tiña constancia, xa estaban resoltos. Á vista dos feitos, parece ser que non, polo que Salgado demandou que con urxencia se dirixa á Consellería de Industria e a empresa suministradora para que no prazo máis breve posible arranxen este problema que lle está facendo a vida máis complicada aínda aos veciños do barrio da Cardiña.

Dedandou que as administracións obriguen ás empresas suministradoras á que inivirtan parte dos multimillonarios beneficios que teñen ano tras ano con contínuas subas nas tarifas que lle aplican aos particulares e as empresas en mellorar a infraestructura que teñen, en moitos casos terceiromundistas.

comenta esta noticia

AXENDA

NOTICIAS RELACIONADAS