ANTÓN LOURO NON DÍ NADA SOBRE AS SUBESTACIÓNS ELÉCTICAS DE BÉRTOLA E ANUNCIA O REMATE DAS OBRAS NA N-554 PARA OUTUBRO
Salgado contradí ao Delegado do Goberno sobre o emprego creado polo Plan E

infobloque-vilaboa.com 16/06/10 | (0)

O Delegado do Goberno en Galicia Antón Louro realizou hoxe a súa primeira visita institucional a Vilaboa. Nesta visita, presidida polo Alcalde e na que estaban presentes membros da corporación municipal, entre eles a nosa portavoz municipal, Ornela Fernández Salgado, Antón Louro fixo declaracións respecto ás obras que o Ministerio de Fomento está acomentendo no noso concello.

Respecto á N-554 afirmou que esta é un obra moi importante e que unha vez rematada os veciños e veciñas van quedar contentos porque o seu resultado vai ser moi bo. Tamén dixo que o prazo de remate será no mes de outubro e que estaban resoltas todas as deficiencias existentes. Segundo a voceira nacionalista, “ as súas afirmacións non teñen nada que ver coa realidade, xa que, a día de hoxe, ademais das nove rotondas como el dixo, quedan moitos tramos de beirarrúas e urbanización, a ponte de Riomaior, algúns accesos importantes como o do Campo de Fútbol do Cabalo, en Santa Cristina... A obra está sendo un desastre, no que a coordinación e deseño se refire. Tampouco é certo que se atenderan todas as deficiencias existentes, o acceso ás Salinas segue igual de mal, as queixas veciñais por accesos ou muros seguen exisistido”.

Outra información que non comparten os nacionalistas son os datos que baralla o Delegado sobre o impacto do Plan E no concello de Vilaboa. “ Os datos que se deron non son certos, non se asemellan para nada á realidade. Afirmou que coas obras do Plan E se crearan 75 empregos en Vilaboa e que a gran parte foran feitas por empresas do Concello, cando fai tres meses, no pleno de marzo, o Alcalde contestou a unha pregunta do BNG, dicindo que das 15 obras, 6 foran feitas por empresas locais e se crearan, tan só, 8 empregos novos. É evidente que se están dando datos erroneos ou que non que vivimos no mesmo mundo”, afirmou Fdez. Salgado.

No que respecta á subestacións de Bértola non deron ningún dato novo, simplemente que se estaba á espera a que se enviase o proxecto da Subestación de REE ao Concello. Así mesmo, dixo que esta non eran instalación que tivesen graves repercusións. “ As subestacións supoñen un gran impacto social, ambiental e urbanístico para Bértola, xa que a parroquia verá hipotecado o seu crecemento porque ao contar cunha instalación deste tipo todas as actuacións feitas a medio e longo prazo neste campo terán máis probalidades que se ubiquen nesa zona. Os veciños e veciñas deixaron e están deixando claro o seu rechazo a estas obras e esperamos que o Ministerio o teña en conta”, declarou Ornela Fdez. Salgado.

comenta esta noticia

AXENDA

NOTICIAS RELACIONADAS