deste perímetro” dunha decisión “extremadamente grave”, “escandalosa” e “impresentábel” no seu procedemento, porque foi aprobada o pasado 8 de Outubro sen coñecemento previo por parte dos concellos afectados.

O deputado nacionalista explicou que a medida adoptada polo Ministerio de Defensa vai afectar a 35 vivendas de Vilaboa, 80 de Pontevedra e a comunidade de montes de Marín, pois os veciños van ter que solicitar autorizacións para realizar calquera tipo de reparación nas súas propiedades, tala de árbores, acceso de persoas que non son de nacionalidade do Estado, etc

Para Lobeira, estáse a falar dun problema moi serio que non se pode consentir, “pois non estamos ante un exército da Idade Media ou do franquismo”, dixo, senón en pleno século XXI.

Pola súa parte, o secretario xeral da Presidencia, Santiago Roura, respostou ao deputado que as competencias son do Estado e este debate xa se produciu no Congreso recoñecendo a ministra, Carme Chacón, a disposición de diálogo cos veciños, “que teñen unha preocupación lexítima”, dixo.

Roura, non obstante, minimizou o impacto deste perímetro e cualificou as súas consecuencias de “pequenas incomodidades”; ademais, salientou a importancia da base de Figueirido e o beneficio que supuña para os afectados en materia de seguridade.

O deputado nacionalista lamentou esta resposta por parte do representante do goberno galego e que teñan máis eco as reclamacións feitas sobre este asunto en Madrid que as que se fan no Parlamento galego.

O CONGRESO DOS DEPUTADOS APROBA UNHA PROPOSICIÓN NON DE LEI DO BNG PARA INSTAR AO GOBERNO A DIALOGAR COS CONCELLOS AFECTADOS

Este posicionamento do Secretario Xeral da Presidencia contrasta coa Proposición Non de Lei aprobada onte no Congresos dos Deputados a proposta da nacionalista Olaia F. Davila onde se insta ao Goberno a iniciar un diálogo coas autoridades dos concellos afectados pola franxa de afección da Brilat e a necesidade da súa reducción debido ao carácter periurbano da súa localización.