UNHA VEZ MÁIS O GOBERNO QUE PRESIDE LUIS POCEIRO DESAPROVEITA FONDOS PÚBLICOS COS QUE DINAMIZAR A ECONOMÍA LOCAL
Vilaboa tampouco presentou nengún proxecto ao programa "Acción Costeira"
infobloque-vilaboa.com | 04/05/10 |  (0) |
|
Ao igual que ocorrira co plan AGADER, o goberno socialista de Vilaboa que preside Luis Poceiro tampouco considera oportuno a presentación dalgún proxecto co fin de recibir fondos do programa "Acción Costeira". O programa Acción Costeira ten como obxectivo xestionar a liña de acción dos Fondos Europeos de Pesca (40 millóns de euros), a través da concesión de axudas aos proxectos que se presenten ante os Grupos de Acción Costeira que se constitúan como medida para desenvolver proxectos que fomenten a sostenibilidade social, económica e ambiental das zonas costeiras.
No caso do concello de Vilaboa, nun primeiro momento non estaba incluído en ningunha zona, sendo o único concello costeiro da provincia de Pontevedra que quedaba fóra. Foi o BNG o que alertou, no seu momento, desta incidencia e, grazas a unha moción do grupo nacionalista, conseguiuse que Vilaboa entrase a formar parte do Grupo de Acción Costeia da zona 7, o cal corresponde aos concellos da Ría de Vigo-Baixo Miño.
Despois de preto de dous anos e medio, desde que se aprobou a moción e Vilaboa entrou a formar parte do Grupo de Acción Costeira, o goberno municipal do PSOE non presentou ningún proxecto para beneficiarse desta liña de axudas. “Vilaboa posúe unha costa de 15 quilómetros e gran parte da súa poboación dedicada ao marisqueo e pesca. Tamén conta cun importante sector dedicado á acuicultura, especialmente ao mexillón. Coñecida a realidade social e económica de Vilaboa, non ten explicación razonable que o goberno local non presentase ningún proxecto. Pero non nos sorprende esta actitude, xa que Vilaboa deixou e está deixando pasara e perder moitas posiblidades de inversións e proxectos dinamizadores, a través de axudas e subvencións, debido á falta de inciativa, interese e ambición do goberno municipal”, afirmou a voceira nacionalista, Ornela Fdez. Salgado.
 comenta esta noticia |
|
|
Recebe no teu correo-e as novidades da Web
Tamén podes receber gratuitamente as novidades no teu móbil enviando unha mensaxe coa palabra ALTA ao 650784558. (coste da mensaxe, según tarefas operadores). Para darte de baixa no servizo envía unha mensaxe coa palabra BAIXA.
Privacidade: O tratamento dos datos persoais está axustado á normativa establecida na Lei Orgánica 15/1999, de 13 de decembro, de Protección de Datos de Carácter Persoal (BOE 14/12/1999), e normativa de desenvolvemento. |
 NOTICIAS RELACIONADAS
|
